由26/11-1/12 大假........

放左咁多日假,真係好開心,日日都同老公哩度去果度去,唔使返工真係好好呢   哩幾日,去左澳門玩,住左一晚,去左睇太陽戲團,超好睇呀 !! 仲去左峰景餐廳食dinner,哩間野係一個澳門人介紹比我ga, 真係好好食~~

假期中,我地去左香格里拉食buffet, 水準比以前差左,野食款式少左....不過甜品依然都咁好食既~~  我地又去左廸廸尼玩,好彩老公個同事既朋友果度做,所以唔使$$, 如果要$$ 既話都唔會去啦,因為太貴喇   人地話好細唔好玩,不過我又覺得ok wor  

時間真係過得超快,老公生日就咁過左喇.....而我d 大假又係咁冇曬啦..................要等到下年5月先再有lu

返到公司,超多野做..........................密密做................................人都癲................................

見到阿妹調去旺鋪咁多野做,咁辛苦...睇見到心痛

16/11 (sun) - 成個幾2個星期日都冇同老公出街喇,雖然佢今日都係要返工,不過佢收早, 3點幾就放工 lu.....因為今日中午時返左娘家度食菜茶,所以3點鐘就同老公一起返屋企   我地成4點幾先出門口,首先去左 central 既 H&M 先,因為哩間野好多男裝, 我同老公各自行....我行左2層女裝,不過冇收穫,睇唔arm....... 落左地層搵佢, 見到佢已經拎左幾件衫喇  起男裝部擇左好耐............最後擇左幾件  之後佢再陪我睇下女裝部,最後都有野買到既....買左一條頸巾同條牛仔褲呀,呵呵~~~ 

行完H&M, 阿發起central MTR等我地,因為佢想去美華氏wor.....落左天后, 今日間野好多人呀,好似做緊大清貨咁,老公試左好多件衫,不過好多件都唔arm  最後睇中件又arm 身既polo shirt, $30 jer, 超低呀!!!! 反而阿發就一件野都買唔到 =.='   之後去左食飯,天后d 野食真係貴呢~~  食埋糖水,好味 !!!

17/11 (mon) - 放工後去左跳健,成年幾冇跳喇.....又成年幾冇做運動喇!! 今次個miss 好好,幾好玩, 而且d 舞步都唔太難,不過有好多名都唔係好記得喇,要慢慢學返先得 ,hehe!!! 

哩幾日起公司真係超多野做呀,做到死死下....返到屋企又要煮飯,真係好累 ~ 好快訓得著tim,不過第2日老公話我又磨牙喇,次次個人好大壓力時都會磨牙呢,控制唔到 !!   雖然哩份工起月尾時真係好 free ,冇咩野做,因為d 野全部都係堆積起月頭至月中ma, 所以起哩段時間真係做到 "炆" !!!

琴晚唔使煮飯,因為老公話想去美華氏行下,不過我地未去過果頭( 天后 ) ,所以就上網 print 左個地圖出來! 好耐老公冇接我收工喇,今日收工落車時,Alan 就行左過來話你老公等你收工呀! 佢又會咁叻既,咁都認得到佢    我地搵左一陣,終於搵到喇,不過使唔使咁僻呀....途中見到幾間車房.....比我地見到個肥仔.........就係郭晶晶個bf 喇 !!! 佢整車 wor....白色 benz ......    起美華氏睇左一陣,不過唔係好arm 心水....最後剩係擇得一件格仔衫jer............比 $$ 時,見到個男 sale 係咁望住我........仲問我係唔係讀李炳tim,話我好熟面口呀 !!!!  我望多佢幾眼.....係wor, 我知佢係邊個喇...........係以前既師兄呀 (大我4年左右 )!!! 咁都記得我,原來我咁出名ga,呵呵 !!!!

之後去左附近既食上海野度食dinner.......都幾好食既,不過比出面貴d 啦 ~~~ And 我地走左去食甜品 tim   

琴晚收工去左青衣城睇戲...恐懼鬥室 5   其實1-4 我都有睇GA, 覺得好好睇, 好嘔心下.....今次睇左第5 ,都嘔心下既....不過大多數都係講返以前D 野, 所以覺得冇咁好睇 lor !!!

睇完後,老公好想打邊爐,所以就去左稻香打喇 (其實唸左一陣,因為太貴) , 叫左唔多野,因為一碟最平都要 $28 , 好d 都要 $48 碟,真係好貴呀 !!! 叫左6碟 + 一碟象拔x ---> 好想食,所以老公話叫 wor  不過又好貴,百5蚊一碟 !! 最後埋單 $480 呀 ,真係貴到飛起  下次都唔好起度食啦.............

25/10 (星期六-短周 ) - 一早起左身洗地, 因為今早約左做保險送既婦科檢查, book 左KF 既一間醫療中心   10:30 準時到達, 醫生同d 姑娘都好好,好 nice , 而且醫生好好傾 ,成個過程都好滿意 ,仲好快完成 tim   檢查完本身約左阿妹去東薈城行街街既,點之佢雙眼又發炎喇,已經發過好幾次, 次次都唔識驚既 ......攪到今次眼腫腫 !!!   而我唯有返阿媽度啦............坐到3點左右,老公收公喇, 咁我地就一齊去惠康買野後就返屋企.......起屋企樓下食左個tea, 因為老公仲未食 lunch wor...........   返到去, 時間都係4點幾jer, 電腦又壞左, 悶到死 ~ 我玩左一陣 psp 新既lego  game, 老公就訓左一陣................玩玩下,玩都人都癲,過勁都過唔到版   老公起左身就幫我打............我去煮烏東食....佢仲繼續打 .........  原先琴晚和記有人要上來整moden ga, 不過個師傅又趕切,話今晚先來,點之個死人頭師傅放我地飛機,仲好似人間蒸發左咁,搵勁都搵唔到佢, 打左幾次電話去和記,個個職員一個推一個,而且仲冇回覆,攪到老公好嬲.......最後個師傅成11點先打來 (原來book 左6-8) , 話太 busy, 所以冇時間打比我地wor !!!!去死啦........籍口    跟住又話依家可以上來換moden, 不過又話如果係大廈條線有問題既話,個電標房已經關左, 晚上10點關wor !! 咁即係多餘啦........今日一定做唔到喇!! 激鬼氣 !!!   最後又要再約星期一6點至8點, 希望佢今次真係準時到, 如果唔係一定會投訴佢 !!!

26/10 ( 星期日) - 前一晚成晚失眠, 又係一大清早起左身, 望住塊鏡...個樣嚇死人 ....大大對既熊貓眼.....超樣衰~   10點已經去左阿媽度, 大姐細佬仲訓緊覺,阿妹就起左身喇.........陸陸續續咁嘈醒佢地    中午,阿媽整左d 菜茶比我地食, 好耐冇食 lu....好食 !!! 食飽飽後, 同阿妹去左東薈城行街街......好多outlet, 不過都唔係好arm 我地 !! 最後剩係買左套內衣 同 2條毛巾jer    去左美心換左盒西餅食 ....返到媽咪度,沖埋個涼就去99 度食飯 lu.........................